اللیل آية ۵

تو وہ جس نے دیا اور پرہیزگاری کی

پھر جس نے دیا اور پرہیز گاری کی

جس نے دیا (اللہ کی راہ میں) اور ڈرا (اپنے رب سے)۔ (۱)

۵۔۱یعنی خیر کے کاموں میں خرچ کرے گا اور محارم سے بچے گا۔

تو جس نے (خدا کے رستے میں مال) دیا اور پرہیز گاری کی

جس نے دیا (اللہ کی راه میں) اور ڈرا (اپنے رب سے)

تو جس نے (راہِ خدا میں) مال دیا اور پرہیزگاری اختیار کی۔

پھر جس نے مال عطا کیا اور تقویٰ اختیار کیا

تو جس نے (خدا کے راستے میں مال) دیا اور پرہیزگاری کی

بنا بریں اللہ تعالیٰ نے عمل کرنے والوں کو فضیلت دی اور ان کے اعمال کا وصف بیان فرمایا : ﴿فَاَمَّا مَنْ اَعْطٰی وَاتَّقٰی﴾” تو جس نے (اللہ کے راستے میں ) مال دیا۔ “ یعنی اسے جن مالی عبادات کا حکم دیا گیا تھا، مثلا: زکوۃ، نفقات، کفارات، صدقات اور بھلائی کے کاموں میں خرچ کرنا اور بدنی عبادات، مثلا: نماز ، روز وغیرہ اور وہ عبادات جو مالی اور بدنی عبادات کی مرکب ہیں ،مثلا : حج اور عمرہ وغیرہ انہیں ادا کیا۔ ﴿ وَاتَّقَىٰ ﴾ اور وہ ان امور محرمہ اور مختلف قسم کے گناہوں سے بچتا رہا جن سے اسے روکا گیا تھا۔

abb jiss kissi ney ( Allah kay raastay mein maal ) diya , aur taqwa ikhtiyar kiya ,