الحجر آية ۸۳

تو انہیں صبح ہوتے چنگھاڑ نے آلیا

پھر انہیں صبح کے وقت سخت آواز نے آ پکڑا

آخر انہیں بھی صبح ہوتے ہوتے چنگھاڑ نے آدبوچا (١)۔

٨٣۔١ حضرت صالح علیہ السلام نے انہیں کہا کہ تین دن کے بعد تم پر عذاب آ جائے گا، چنانچہ چوتھے روز ان پر یہ عذاب آ گیا۔

تو چیخ نے ان کو صبح ہوتے ہوتے آپکڑا

آخر انہیں بھی صبح ہوتے ہوتے چنگھاڑنے آدبوچا

پس صبح کے وقت انہیں ایک ہولناک آواز نے آپکڑا۔

تو انہیں بھی صبح سویرے ہی ایک چنگھاڑ نے پکڑلیا

تو چیخ نے ان کو صبح ہوتے ہوتے آپکڑا۔

﴿فَأَخَذَتْهُمُ الصَّيْحَةُ مُصْبِحِينَ﴾ ” سو پکڑ لیا ان کو چنگھاڑنے، صبح ہونے کے وقت“ پس ان کے سینوں میں ان کے دل پارہ پارہ ہو کر رہ گئے اور وہ اپنے گھر میں ہلاک ہو کر اوندھے منہ پڑے رہ گئے اور اس کے ساتھ ساتھ دائمی رسوائی اور لعنت نے ان کا پیچھا کیا۔

aakhir unhen subha subha aik chinghaarr ney aa-pakra .