الصافات آية ۲۸

بولے تم ہمارے دہنی طرف سے بہکانے آتے تھے

کہیں گے بے شک تم ہمارے پاس دائیں طرف سے آتے تھے

کہیں گے کہ تم ہمارے پاس ہماری دائیں طرف سے آتے تھے (١)

٢٨۔١ اس کا مطلب ہے کہ دین اور حق کے نام سے آتے تھے یعنی باور کراتے تھے کہ یہی اصل دین اور حق ہے اور بعض کے نزدیک مطلب ہے، ہر طرف سے آتے تھے جس طرح شیطان نے کہا میں ان کے آگے، پیچھے سے، ان کے دائیں بائیں سے ہر طرف سے ان کے پاس آؤں گا اور انہیں گمراہ کروں گا (ثُمَّ لَاٰتِيَنَّهُمْ مِّنْۢ بَيْنِ اَيْدِيْهِمْ وَمِنْ خَلْفِهِمْ وَعَنْ اَيْمَانِهِمْ وَعَنْ شَمَاۗىِٕلِهِمْ ۭ وَلَا تَجِدُ اَكْثَرَهُمْ شٰكِرِيْنَ) 7۔ الاعراف;17)

کہیں گے کیا تم ہی ہمارے پاس دائیں (اور بائیں) سے آتے تھے

کہیں گے کہ تم تو ہمارے پاس ہماری دائیں طرف سے آتے تھے

(کمزور گروہ دوسرے بڑے گروہ سے) کہے گا کہ تم ہی ہمارے پاس دائیں جانب سے (بڑی شد و مد سے) آیا کرتے تھے (اور ہمیں کفر پر آمادہ کرتے تھے)۔

کہتے ہیں کہ تم ہی تو ہو جو ہماری داہنی طرف سے آیا کرتے تھے

کیا تمہارے پاس دائیں (اور بائیں) سے آتے تھے ؟

متبعین اپنے رؤسا سے کہیں گے : ﴿إِنَّكُمْ كُنتُمْ تَأْتُونَنَا عَنِ الْيَمِينِ﴾ ” تمہیں ہمارے پاس دائیں طرف سے آتے تھے۔“ یعنی تم نے قوت اور جبر کے ساتھ ہمیں گمراہ کیا، اگر تم نہ ہوتے تو ہم ایمان لے آتے۔

. ( matehat log apney baron say ) kahen gay kay : tum thay jo hum per baray zoron say charh charh ker aatay thay