الصافات آية ۸۴

جبکہ اپنے رب کے پاس حاضر ہوا غیر سے سلامت دل لے کر

جب کہ وہ پاک دل سے اپنے رب کی طرف رجوع ہوا

جبکہ اپنے رب کے پاس بےعیب دل لائے۔

جب وہ اپنے پروردگار کے پاس (عیب سے) پاک دل لے کر آئے

جبکہ اپنے رب کے پاس بے عیب دل ﻻئے

جبکہ وہ اپنے پروردگار کی بارگاہ میں قلبِ سلیم کے ساتھ حاضر ہوئے۔

جب اللہ کی بارگاہ میں قلب سلیم کے ساتھ حاضر ہوئے

جب وہ اپنے پروردگار کے پاس (عیب سے) پاک دل لے کر آئے

﴿إِذْ جَاءَ رَبَّهُ بِقَلْبٍ سَلِيمٍ﴾ ” جب کہ وہ اپنے رب کے ہاں صاف دل لے کر آئے“ شرک، شبہات و شہوات سے جو تصور حق اور اس پر عمل کرنے سے مانع ہیں۔ جب بندہ مومن کا قلب ہر برائی سے پاک اور سلامت ہوگا، تو اسے ہر قسم کی بھلائی حاصل ہوگی۔ بندہ مومن کا سلیم القلب ہونا یہ کہ اس کا دل مخلوق کو دھوکہ دینے، ان سے حسد کرنے اور اس قسم کے دیگر برے اخلاق سے سلامت اور محفوظ رہے۔

jab woh apney perwerdigar kay paas saaf suthra dil ley ker aaye ,