ص آية ۱۹

اور پرندے جمع کیے ہوئے سب اس کے فرمانبردار تھے

اور پرندوں کو بھی جو جمع ہوجاتے تھے ہر ایک اس کے تابع تھا

اور پرندوں کو بھی جمع ہو کر سب کے سب اس کے زیر فرمان رہتے (١)

١٩۔١ یعنی اشراق کے وقت اور آخر دن کو پہاڑ بھی داؤد علیہ السلام کے ساتھ مصروف تسبیح ہوتے اور اڑتے جانور بھی زبور کی قرأت سن کر ہوا ہی میں جمع ہو جاتے اور ان کے ساتھ اللہ کی تسبیح کرتے۔

اور پرندوں کو بھی کہ جمع رہتے تھے۔ سب ان کے فرمانبردار تھے

اور پرندوں کو بھی جمع ہو کر سب کے سب اس کے زیر فرمان رہتے

اور پرندوں کو بھی (جو تسبیح کے وقت) جمع ہو جاتے تھے (اور) سب (پہاڑ و پرند) ان کے فرمانبردار تھے (اور ان کی آواز پر آواز ملاتے تھے)۔

اور پرندوں کو ان کے گرد جمع کردیا تھا سب ان کے فرمانبردار تھے

اور پرندوں کو بھی کہ جمع رہتے تھے سب ان کے فرمانبردار تھے

﴿وَ﴾ ” تابع کردیا ﴿الطَّيْرَ مَحْشُورَةً﴾ پرندوں کو بھی وہ آپ کے پاس جمع کردیئے گئے ﴿كُلٌّ﴾ سب کے سب“ پہاڑ اور پرندے اللہ تعالیٰ کے لئے ﴿ لَّهُ أَوَّابٌ ﴾ ” مطیع تھے“ اللہ تعالیٰ کے اس حکم کی اطاعت کرتے ہوئے : ﴿يَا جِبَالُ أَوِّبِي مَعَهُ وَالطَّيْرَ﴾(سبا:34؍1) ” اے پہاڑو! تم اس (داؤد) کے ساتھ تسبیح بیان کرو اور ہم نے پرندوں کو بھی یہی حکم دیا۔“ یہ آپ پر اللہ تعالیٰ کا احسان ہے کہ اس نے آپ کو عبادت کی توفیق سے نوازا، پھر اللہ تعالیٰ نے آپ پر اپنی اس نوازش کا ذکر فرمایا کہ اس نے آپ کو عظیم مملکت اور اقتدار عطا کیا۔

aur parindon ko bhi , jinhen ikattha kerliya jata tha . yeh sabb unn kay sath mil ker Allah ka khoob ziker kertay thay .