الدخان آية ۳۶

تو ہمارے باپ دادا کو لے آؤ اگر تم سچے ہو

پس ہمارے باپ دادا کو لے آؤ اگر تم سچے ہو

اگر تم سچے ہو تو ہمارے باپ دادوں کو لے آؤ (١)

٣٦۔١ یہ نبی صلی اللہ علیہ وسلم اور مسلمانوں کو کافروں کی طرف سے کہا جا رہا ہے کہ اگر تمہارا یہ عقیدہ واضح اور صحیح ہے کہ دوبارہ زندہ ہونا ہے تو ہمارے باپ دادوں کو زندہ کرکے دکھا دو یہ ان کی کٹ حجتی تھی کیونکہ دوبارہ زندہ کرنے کا عقیدہ قیامت سے متعلق ہے نہ کہ قیامت سے پہلے ہی دنیا میں زندہ ہو جانا یا کر دینا۔

پس اگر تم سچے ہو تو ہمارے باپ دادا کو (زندہ کر) لاؤ

اگر تم سچے ہو تو ہمارے باپ دادوں کو لے آؤ

اگر تم سچے ہو تو ہمارے باپ داداؤں کو لاؤ۔

اور اگر تم سچے ہو تو ہمارے باپ دادا کو قبروں سے اٹھا کر لے آؤ

پس اگر تم سچے ہو تو ہمارے باپ دادا کو (زندہ کر) لاؤ

﴿فَأْتُوا بِآبَائِنَا إِن كُنتُمْ صَادِقِينَ ﴾ ” پس اگر تم سچے ہو تو ہمارے باپ دادا کو زندہ کر لاؤ۔“ یہ عناد پسند جہلاء کا مطالبہ تھا جو بہت دور کی کوڑی لائے تھے۔ بھلا! رسول کریم صلی اللہ علیہ وآلہ وسلم کی صداقت اور ان جہلاء کے آباء و اجداد کو زندہ کر کے ان کے سامنے لانے میں کون سا تلازم ہے؟ آپ کی دعوت کی صداقت پر آیات و دلائل ہر لحاظ سے نہایت تواتر سے دلالت کرتے ہیں۔

agar tum sachay ho to humaray baap dadon ko utha lao .