الطور آية ۹

جس دن آسمان ہلنا سا ہلنا ہلیں گے

جس دن آسمان تھرتھرا کر لرزنے لگے گا

جس دن آسمان تھرتھرانے لگے گا (١)

٩۔١ مور کے معنی ہیں حرکت و اضطراب، قیامت والے دن آسمان کے نظم میں جو اختلال اور ستارے و سیاروں کی ٹوٹ پھوٹ کی وجہ سے جو اضطراب واقع ہوگا، اس کو ان الفاظ سے تعبیر کیا گیا ہے، اور یہ مذکورہ عذاب کے لئے ظرف ہے۔ یعنی عذاب اس روز واقع ہوگا جب آسمان تھر تھرائے گا اور پہاڑ اپنی جگہ چھوڑ کر روئی کے گالوں اور ریت کے ذروں کی طرح اڑ جائیں گے۔

جس دن آسمان لرزنے لگا کپکپا کر

جس دن آسمان تھرتھرانے لگے گا

جس دن آسمان تھرتھرانے لگے گا۔

جس دن آسمان باقاعدہ چکر کھانے لگیں گے

جس دن آسمان لرزنے لگے کپکپا کر
یوم تمور السماء موراً ، مور کے معنی حرکت و اضراطب کے ہیں، قیامت کے دن آسمان کے نظم میں جو اختلال اور کواکب و سیارگان کی ٹوٹ پھوٹ کی وجہ سے جو اضطراب واقع ہوگا اس کو ان الفاظ سے تعبیر کیا گیا ہے، یوم تمور السماء موراً یوم مذکورہ عذاب کے لئے ظرف ہے۔

پھر اللہ تبارک وتعالی نے اس دن کا وصف بیان فرمایا جس میں یہ عذاب واقع ہوگا، چنانچہ فرمایا: ﴿یَّوْمَ تَمُوْرُ السَّمَاءُ مَوْرًا﴾’’جس دن آسمان تیز تیز حرکت کرنے لگے گا،، یعنی گھومے گا اور مضطرب ہوگا۔ بے قراری اور عدم سکون کی وجہ سے دائمی طور پر متحرک رہے گا۔

jiss din aasman thar-thara ker laraz uthay ga ,