النباء آية ۳۹

وہ سچا دن ہے اب جو چاہے اپنے رب کی طرف راہ بنالے

یہ یقینی دن ہے پس جو چاہے اپنے رب کے پاس ٹھکانا بنا لے

یہ دن ہے اب جو چاہے اپنے رب کے پاس (نیک اعمال کر کے) ٹھکانا بنالے (١)

٣٩۔١ اس آنے والے دن کو سامنے رکھتے ہوئے ایمان و تقویٰ کی زندگی اختیار کرے تاکہ اس روز وہاں اس کو اچھا ٹھکانا مل جائے۔

یہ دن برحق ہے۔ پس جو شخص چاہے اپنے پروردگار کے پاس ٹھکانہ بنا ئے

یہ دن حق ہے اب جو چاہے اپنے رب کے پاس (نیک اعمال کر کے) ٹھکانا بنالے

یہ دن برحق ہے پس جو چاہے اپنے پروردگار کی طرف اپنا ٹھکانہ بنائے۔

یہی برحق دن ہے تو جس کا جی چاہے اپنے رب کی طرف ٹھکانا بنالے

یہ دن برحق ہے۔ پس جو شخص چاہے اپنے پروردگار کے پاس ٹھکانہ بنائے

اس لیے کہ ﴿ذٰلِکَ الْیَوْمُ ﴾ ”یہ دن ۔ “ ﴿الْحَقُّ ﴾ ”ہی سچا (دن) ہے۔“ جس میں باطل رائج ہوسکتا ہے نہ جھوٹ فائدہ دے سکتا ہے ۔ یہ وہ دن ہے ﴿ يَقُومُ الرُّوحُ ﴾ ” جس میں روح (لامین )کھڑا ہوگا۔ “ روح سے مراد جبرائیل علیہ السلام ہیں جو تمام فرشتوں میں افضل ہیں۔ ﴿ وَالْمَلَائِكَةُ ﴾ اور تمام فرشتے بھی کھڑے ہوں گے ﴿ صَفًّا ﴾ صف باندھے، اللہ تعالیٰ کے حضور سرافگندہ ہو کر ﴿لایتکلمون﴾ ”وہ کلام نہیں کرسکیں گے۔“ سوائے اس بات کے جس کی اللہ تعالیٰ اجازت دے۔ پس اللہ تعالیٰ نے ترغیب وترہیب اور تبشیر وانداز کے بعد فرمایا : ﴿ فَمَنْ شَاءَ اتَّخَذَ اِلٰی رَبِّہٖ مَاٰبًا﴾ ” پس جو شخص چاہے اپنے رب کے پاس ٹھکانا بنا لے۔“ یعنی عمل اور اچھی بات کرے جو قیامت کے دن اس کی طرف لوٹے گی۔

woh din hai jo bar-haq hai . abb jo chahye , woh apney perwerdigar kay paas thikana bana rakhay .