Skip to main content

قَالَ فَمَا خَطْبُكُمْ اَيُّهَا الْمُرْسَلُوْنَ

قَالَ
کہا
فَمَا
تو کیا
خَطْبُكُمْ
معاملہ ہے تمہارا
أَيُّهَا
اے
ٱلْمُرْسَلُونَ
بھیجے ہوئے۔ اے فرشتو

تفسیر کمالین شرح اردو تفسیر جلالین:

پھر ابراہیمؑ نے پوچھا "اے فرستادگان الٰہی، وہ مہم کیا ہے جس پر آپ حضرات تشریف لائے ہیں؟"

ابوالاعلی مودودی Abul A'ala Maududi

پھر ابراہیمؑ نے پوچھا "اے فرستادگان الٰہی، وہ مہم کیا ہے جس پر آپ حضرات تشریف لائے ہیں؟"

احمد رضا خان Ahmed Raza Khan

کہا پھر تمہارا کیا کام ہے اے فرشتو!

احمد علی Ahmed Ali

کہا اے فرشتو! پھر تمہارا کیا مقصد ہے

أحسن البيان Ahsanul Bayan

پوچھا کہ اللہ کے بھیجے ہوئے (فرشتو) تمہارا ایسا کیا اہم کام ہے؟ (١)

٥٧۔١ حضرت ابرہیم علیہ السلام نے ان فرشتوں کی گفتگو سے اندازہ لگا لیا کہ یہ صرف اولاد کی بشارت دینے ہی نہیں آئے ہیں بلکہ ان کی آمد کا اصل مقصد کوئی اور ہے۔ چنانچہ انہوں نے پوچھا۔

جالندہری Fateh Muhammad Jalandhry

پھر کہنے لگے کہ فرشتو! تمہیں (اور) کیا کام ہے

محمد جوناگڑھی Muhammad Junagarhi

پوچھا کہ اللہ کے بھیجے ہوئے (فرشتو!) تمہارا ایسا کیا اہم کام ہے؟

محمد حسین نجفی Muhammad Hussain Najafi

(پھر) کہا اے اللہ کے فرستادو آخر تمہیں کیا مہم درپیش ہے؟

علامہ جوادی Syed Zeeshan Haitemer Jawadi

پھر کہا کہ مگر یہ تو بتائیے کہ آپ لوگوں کا مقصد کیا ہے

طاہر القادری Tahir ul Qadri

ابراہیم (علیہ السلام) نے دریافت کیا: اے (اللہ کے) بھیجے ہوئے فرشتو! (اس بشارت کے علاوہ) اور تمہارا کیا کام ہے (جس کے لئے آئے ہو)،

تفسير ابن كثير Ibn Kathir

حضرت ابراہیم (علیہ السلام) کا جب ڈر خوف جاتا رہا بلکہ بشارت بھی مل گئی تو اب فرشتوں سے ان کے آنے کی وجہ دریافت کی۔ انھوں نے بتلایا کہ ہم لوطیوں کی بستیاں الٹنے کے لئے آئے ہیں۔ مگر حضرت لوط (علیہ السلام) کی آل نجات پالے گی۔ ہاں اس آل میں سے ان کی بیوی بچ نہیں سکتی؛ وہ قوم کے ساتھ رہ جائے گی اور ہلاکت میں ان کے ساتھ ہی ہلاک ہوگی۔