الصافات آية ۱۰۷

اور ہم نے ایک بڑا ذبیحہ اس کے فدیہ میں دے کر اسے بچالیا

اور ہم نے ایک بڑا ذبیحہ ا سکے عوض دیا

اور ہم نے ایک بڑا ذبیحہ اس کے فدیہ میں دے دیا (١)

١٠٧۔١ یہ بڑا ذبیحہ ایک مینڈھا تھا جو اللہ تعالٰی نے جنت سے حضرت جبرائیل علیہ السلام کے ذریعے سے بھیجا (ابن کثیر) اسماعیل علیہ السلام کی جگہ اسے ذبح کیا گیا اور پھر سنت ابراہیمی کو قیامت تک قرب الٰہی کے حصول کا ایک ذریعہ اور عید الاضحٰی کا سب سے پسندیدہ عمل قرار دے دیا گیا۔

اور ہم نے ایک بڑی قربانی کو ان کا فدیہ دیا

اور ہم نے ایک بڑا ذبیحہ اس کے فدیہ میں دے دیا

اور ہم نے ایک عظیم قربانی کے عوض اس کو چھڑا لیا۔

اور ہم نے اس کا بدلہ ایک عظیم قربانی کو قرار دے دیا ہے

اور ہم نے ایک بڑی قربانی کو ان کا فدیہ دیا

جب ابراہیم علیہ السلام نے اللہ تعالیٰ کی محبت کو خواہشات نفس پر مقدم رکھتے ہوئے، اپنے بیٹے کو ذبح کرنے کا عزم کرلیا تو قلب سے وہ داعیہ زائل ہوگیا جو اللہ تعالیٰ کی محبت سے مزاحم تھا۔ اب بیٹے کو ذبح کرنے میں کوئی فائدہ باقی نہ رہا، اس لئے فرمایا : ﴿إِنَّ هَـٰذَا لَهُوَ الْبَلَاءُ الْمُبِينُ بِذِبْحٍ عَظِيمٍ﴾ ” بلا شبہ یہ صریح آزمائش تھی اور ہم نے ایک بڑی قربانی کا ان کو فدیہ دیا۔“ یعنی اسماعیل علیہ السلام کے بدلے میں ایک عظیم قربانی عطا ہوئی جس کو ابراہیم علیہ السلام نے ذبح فرمایا۔ یہ قربانی اس لحاظ سے عظیم تھی کہ اس کو اسماعیل علیہ السلام کے فدیے میں قربان کیا گیا اور اس لحاظ سے بھی عظیم ہے کہ یہ جلیل القادر عبادات میں شمار ہوتی ہے، نیز یہ اس لحاظ سے بھی عظمت کی حامل ہے کہ اس کو قیامت تک کے لئے سنت قرار دے دیا گیا ہے۔

aur hum ney aik azeem zabiha ka fidya dey ker uss bacchay ko bacha liya .