الرحمٰن آية ۱۷

دونوں پورب کا رب اور دونوں پچھم کا رب

وہ دونوں مشرقوں اور مغربوں کا مالک ہے

وہ رب ہے دونوں مشرقوں کا اور دونوں مغربوں کا (١)

١٧۔١ ایک گرمی کا مشرق اور ایک سردی کا مشرق اسی طرح مغرب ہے۔ اس لئے دونوں کو دوگنا ذکر کیا ہے، موسموں کے اعتبار سے مشرق و مغرب کا مختلف ہونا اس میں بھی انس و جن کی بہت سی مصلحتیں ہیں، اس لئے اسے بھی نعمت قرار دیا گیا ہے۔

وہی دونوں مشرقوں اور دونوں مغربوں کا مالک (ہے)

وه رب ہے دونوں مشرقوں اور دونوں مغربوں کا

وہی دونوں مشرقوں کا پروردگار ہے اور وہی دونوں مغربوں کا مالک و پروردگار ہے۔

وہ چاند اور سورج دونوں کے مشرق اور مغرب کا مالک ہے

وہی دونوں مشرقوں اور دونوں مغربوں کا مالک (ہے)

یعنی اللہ تعالیٰ ہر اس چیز کارب ہے جس پر سورج چاند اور روشن ستارے طلوع وغروب ہوتے ہیں اور وہ سب کچھ جس کے اندر چاند اور سورج ہیں تو وہ اللہ تعالیٰ کی ربوبیت اور اس کے دست تدبیر کے تحت ہیں۔ اللہ نے یہاں مشرق اور مغرب کو سورج کے گرمیوں اور سردیوں کے مقامات طلوع وغروب کے مختلف ہونے کے اعتبار سے تثنیہ ذکر کیا ہے۔ واللّٰہ اعلم

dono mashriqon aur dono maghribon ka perwerdigar wohi hai .