الحاقہ آية ۶

اور رہے عاد وہ ہلاک کیے گئے نہایت سخت گرجتی آندھی سے،

اور لیکن قوم عاد سو وہ ایک سخت آندھی سے ہلاک کیے گئے

اور عاد بیحد تیز و تند ہوا سے غارت کر دیئے گئے (١)

٦۔١ کسی کے قابو میں نہ آنے والی، یعنی نہایت تند و تیز، پالے والی اور بےقابو ہوا کے ذریعے اسے حضرت ہود علیہ السلام کی قوم عاد کو ہلاک کیا گیا۔

رہے عاد تو ان کا نہایت تیز آندھی سے ستیاناس کردیا گیا

اور عاد بیحد تیز وتند ہوا سے غارت کردیئے گئے

اور بنی عاد ایک حد سے زیادہ تیز و تند (اور سرد) آندھی سے ہلاک کئے گئے۔

اور عاد کو انتہائی تیز و تند آندھی سے برباد کردیا گیا

رہے عاد تو ان کا نہایت تیز آندھی سے ستیاناس کردیا گیا .

﴿ وَأَمَّا عَادٌ فَأُهْلِكُوا بِرِيحٍ صَرْصَرٍ ﴾ ” اور رہے عاد تو انہیں نہایت تیز آندھی سے ہلاک کردیا گیا ۔“یعنی بہت طاقت ور اور طوفانی ہوا جس کی آواز ، بادل کی کڑک سے زیادہ تھی ﴿ عَاتِيَةٍ ﴾ بہت سے مفسرین کے قول کے مطابق یہ ہوا اپنے داروغوں کے سامنے سرکش تھی۔ دوسرا قول یہ ہے کہ یہ قوم عاد پر نہایت سرکشی کے ساتھ چلتی رہی اور حد سے بڑھ گئی اور یہی قول صحیح ہے۔

aur jo aad kay log thay , unhen aik aesi bey qaboo toofani huwa say halak kiya gaya