Skip to main content

قَالَ الْمَلَاُ مِنْ قَوْمِ فِرْعَوْنَ اِنَّ هٰذَا لَسٰحِرٌ عَلِيْمٌ ۙ

Said
قَالَ
کہا
the chiefs
ٱلْمَلَأُ
سرداروں نے
of
مِن
میں سے
(the) people
قَوْمِ
قوم
(of) Firaun
فِرْعَوْنَ
فرعون کی
"Indeed
إِنَّ
بیشک
this
هَٰذَا
یہ
(is) surely a magician -
لَسَٰحِرٌ
البتہ جادوگر ہے
learned
عَلِيمٌ
ماہر۔ جاننے والا

تفسیر کمالین شرح اردو تفسیر جلالین:

ا س پر فرعون کی قوم کے سرداروں نے آپس میں کہا کہ "یقیناً یہ شخص بڑا ماہر جادو گر ہے

English Sahih:

Said the eminent among the people of Pharaoh, "Indeed, this is a learned magician

ابوالاعلی مودودی Abul A'ala Maududi

ا س پر فرعون کی قوم کے سرداروں نے آپس میں کہا کہ "یقیناً یہ شخص بڑا ماہر جادو گر ہے

احمد رضا خان Ahmed Raza Khan

قوم فرعون کے سردار بولے یہ تو ایک علم والا جادوگر ہے

احمد علی Ahmed Ali

فرعون کی قوم کے سرداروں نے کہا بے شک یہ بڑا ماہر جادو گر ہے

أحسن البيان Ahsanul Bayan

قوم فرعون میں جو سردار لوگ تھے انہوں نے کہا کہ واقعی یہ شخص بڑا ماہر جادوگر ہے (٢)

١٠٩۔١ معجزے دیکھ کر، ایمان لانے کی بجائے، فرعون کے درباریوں نے اسے جادو قرار دیکر یہ کہہ دیا یہ تو
بڑا ماہر جادوگر ہے جس سے اس کا مقصد تمہاری حکومت کو ختم کرنا ہے کیونکہ حضرت موسیٰ علیہ کے زمانے میں جادو کا بڑا زور تھا اور اس کا عام چلن تھا، اس لئے انہوں نے معجزات کو بھی جادو سمجھا جس میں سرے سے انسان کا دخل ہی نہیں ہوتا۔ خالص اللہ کی معشیت سے ظہور میں آتے ہیں تاہم درباریوں کو حضرت موسیٰ علیہ السلام کے بارے میں فرعون کو بہکانے کا موقع مل گیا۔

جالندہری Fateh Muhammad Jalandhry

تو قوم فرعون میں جو سردار تھے وہ کہنے لگے کہ یہ بڑا علامہ جادوگر ہے

محمد جوناگڑھی Muhammad Junagarhi

قوم فرعون میں جو سردار لوگ تھے انہوں نے کہا کہ واقعی یہ شخص بڑا ماہر جادوگر ہے

محمد حسین نجفی Muhammad Hussain Najafi

قومِ فرعون کے سرداروں نے (یہ منظر دیکھ کر) کہا کہ یہ شخص (موسیٰ) بڑا ماہر جادوگر ہے۔

علامہ جوادی Syed Zeeshan Haitemer Jawadi

فرعون کی قوم کے رؤسا نے کہا کہ یہ تو سمجھدار جادوگر ہے

طاہر القادری Tahir ul Qadri

قومِ فرعون کے سردار بولے: بیشک یہ (تو کوئی) بڑا ماہر جادوگر ہے،

تفسير ابن كثير Ibn Kathir

درباریوں سے مشورے ہوئے ! ٭٭ جب ڈر خوف جاتا رہا فرعون پھر سے اپنے تخت پر آ بیٹھا اور درباریوں کے اوسان درست ہوگئے تو فرعون نے کہا بھئی مجھے تو یہ جادوگر لگتا ہے اور ہے بھی بڑا استاد۔ ان لوگوں نے اس کی تائید کی اور کہا حضور درست فرما رہے ہیں۔ اب مشورے کرنے لگے کہ اگر یہ معاملہ یونہی رہا تو لوگ اس کی طرف مائل ہوجائیں گے اور جب یہ قوت پکڑے گا تو ہم سے بادشاہت چھین لے گا ہمیں جلاوطن کر دے گا بتاؤ کیا کرنا چاہئے ؟ اللہ کی شان ہے جس سے خوف کھایا وہی سامنے آیا۔