المعارج آية ۳۲

اور وہ جو اپنی امانتوں اور اپنے عہد کی حفاظت کرتے ہیں

اور وہ جواپنی امانتوں اور عہدوں کی رعایت رکھتے ہیں

جو اپنی امانتوں کا اور اپنے قول و قرار کا پاس رکھتے ہیں۔ (۱)

۳۲۔۱یعنی ان کے پاس جو لوگوں کی امانتیں ہیں اس میں وہ خیانت نہیں کرتے اور لوگوں سے جو عہد کرتے ہیں انہیں توڑتے نہیں بلکہ ان کی پاسداری کرتے ہیں۔

اور جو اپنی امانتوں اور اقراروں کا پاس کرتے ہیں

اور جو اپنی امانتوں کا اور اپنے قول و قرار کا پاس رکھتے ہیں

اورجو اپنی امانتوں اورعہد و پیمان کا لحاظ رکھتے ہیں۔

اور جو اپنی امانتوں اور عہد کا خیال رکھنے والے ہیں

اور جو اپنی امانتوں اوراقراروں کا پاس کرتے ہیں

﴿وَالَّذِينَ هُمْ لِأَمَانَاتِهِمْ وَعَهْدِهِمْ رَاعُونَ﴾ یعنی وہ امانتوں اور عہد کی رعایت رکھنے اور حفاظت کرنے والے ہیں، امانتوں کو ادا کرنے اور عہد کو پورا کرنے کی بھر پور کوشش کرتے ہیں ۔ یہ آیت کریمہ ان تمام امانتوں کو شامل ہے جو بندے اور اس کے رب کے درمیان ہیں جیسے وہ پوشیدہ امور جن کا انسان مکلف بنایا گیا ہے اور انہیں اللہ تعالیٰ کے سوا کوئی نہیں جانتا اور وہ امانتیں جو ان اموال اور اسرار کے بارے میں جو آپس میں بندوں کے مابین ہیں۔ اسی طرح یہ عہد اس عہد کو بھی شامل ہے جو اس نے اللہ تعالیٰ سے کیا ہے اور اس عہد کو بھی شامل ہے جو اس نے مخلوق سے کیا ہے کیونکہ عہد کے بارے میں بندے سے پوچھا جائے گا کہ آیا وہ اس عہد پر قائم رہا اور اسے پورا کیا یااس نے اسے دور پھینک دیا، اس میں خیانت کی اور اس پر قائم نہ رہا؟۔

aur jo apni amanton aur ehad ka paas rakhney walay hain ,