الحجر آية ۱۰

اور بیشک ہم نے تم سے پہلے اگلی امتوں میں رسول بھیجے،

اور تجھ سے پہلے ہم پہلی قوموں میں بھی رسول بھیج چکے ہیں

ہم نے آپ سے پہلے اگلی امتوں میں بھی رسول (برابر) بھیجے۔

اور ہم نے تم سے پہلے لوگوں میں بھی پیغمبر بھیجے تھے

ہم نے آپ سے پہلے اگلی امتوں میں بھی اپنے رسول (برابر) بھیجے

اور ہم نے آپ سے پہلے مختلف جماعتوں میں رسول بھیجے۔

اور ہم نے آپ سے پہلے بھی مختلف قوموں میں رسول بھیجے ہیں

اور ہم نے تم سے پہلے لوگوں میں بھی پیغمبر بھیجے تھے۔

جب مشرکین نے رسول اللہ صلی اللہ علیہ وآلہ وسلم کی تکذیب کی تو اللہ تعالیٰ نے اپنے رسول سے فرمایا کہ گزری ہوئی قوموں اور قرون ماضیہ میں مشرکین کا اپنے انبیاء کے ساتھ یہی رویہ رہا ہے۔ ﴿وَلَقَدْ أَرْسَلْنَا مِن قَبْلِكَ فِي شِيَعِ الْأَوَّلِينَ﴾ ” اور ہم نے آپ سے پہلے لوگوں میں رسول بھیجے تھے۔“ یعنی گزرے ہوئے گروہوں اور جماعتوں میں رسول مبعوث کرچکے ہیں۔

aur ( aey payghumber ! ) hum tum say pehlay bhi pichli qoamon kay mukhtalif girohon mein apney payghumber bhej chukay hain .

اللہ تعالیٰ اپنے نبی (صلی اللہ علیہ وآلہ وسلم) کو تسکین دیتا ہے کہ جس طرح لوگ آپ کو جھٹلا رہے ہیں اسی طرح آپ سے پہلے کے نبیوں کو بھی وہ جھٹلا چکے ہیں۔ ہر امت کے رسول (صلی اللہ علیہ وآلہ وسلم) کی تکذیب ہوئی ہے اور اسے مذاق میں اڑایا گیا ہے۔ ضدی اور متکبر گروہ کے دلوں میں بہ سبب ان کے حد سے بڑھے ہوئے گناہوں کے تکذیب رسول سمو دی جاتی ہے یہاں مجرموں سے مراد مشرکین ہیں۔ وہ حق کو قبول کرتے ہی نہیں، نہ کریں۔ اگلوں کی عادت ان کے سامنے ہے جس طرح وہ ہلاک اور برباد ہوئے اور ان کے انبیاء نجات پا گئے اور ایمان دار عافیت حاصل کر گئے۔ وہی نتیجہ یہ بھی یاد رکھیں۔ دنیا آخرت کی بھلائی نبی (صلی اللہ علیہ وآلہ وسلم) کی متابعت میں اور دونوں جہان کی رسوائی نبی کی مخالفت میں ہے۔