الشعراء آية ۱۸۱

ناپ پورا کرو اور گھٹانے والوں میں نہ ہو

پیمانہ پورا دو اور نقصان دینے والے نہ بنو

ناپ پورا بھرا کرو کم دینے والوں میں شمولیت نہ کرو (١)

١٨١۔١ یعنی جب تم لوگوں کو ناپ کر دو تو اسی طرح پورا دو، جس طرح لیتے وقت تم پورا ناپ کر لیتے ہو۔ لینے اور دینے کے پیمانے الگ الگ مت رکھو، کہ دیتے وقت کم دو اور لیتے وقت پورا لو!

(دیکھو) پیمانہ پورا بھرا کرو اور نقصان نہ کیا کرو

ناپ پورا بھرا کرو کم دینے والوں میں شمولیت نہ کرو

(دیکھو) پورا ناپا کرو (پیمانہ بھرا کرو) اور نقصان پہنچانے والوں میں سے نہ ہو۔

اور دیکھو ناپ تول کو ٹھیک رکھو اور لوگوں کو خسارہ دینے والے نہ بنو

(دیکھو) پیمانہ پورا بھرا کرو اور نقصان نہ کیا کرو

اس لئے شعیب علیہ السلام نے ان سے فرمایا : ﴿أَوْفُوا الْكَيْلَ﴾ ” ناپ کو پورا کرو“ ﴿وَلَا تَكُونُوا مِنَ الْمُخْسِرِينَ ﴾ ” اور کم کرکے دینے والوں میں شمولیت نہ کرو۔“ یعنی جو ناپ تول میں کمی کرکے لوگوں کے مال کم کرتے ہیں ان کے مال ہتھیا لیتے ہیں۔

poora poora naap diya kero , aur unn logon mein say naa bano jo doosron ko ghatay mein daaltay hain .

ڈنڈی مار قوم
حضرت شعیب (علیہ السلام) اپنی قوم کو ناپ تول درست کرنے کی ہدایت کررہے ہیں۔ ڈنڈی مارنے اور ناپ تول میں کمی کرنے سے روکتے ہیں اور فرماتے ہیں کہ جب کسی کو کوئی شے ناپ کردو تو پورا پیمانہ بھر کردو اس کے حق سے کم نہ کرو۔ اسی طرح دوسرے سے جب لو تو زیادہ لینے کی کوشش اور تدبیر نہ کرو۔ یہ کیا کہ لینے کے وقت پورا لو اور دینے کے وقت کم دو ؟ لین دین دونوں صاف اور پورا رکھو۔ ترازو اچھی رکھو جس میں تول صحیح آئے بٹے بھی پورے رکھو تول میں عدل کرو ڈنڈی نہ مارو کم نہ تولو کسی کو اسکی چیز کم نہ دو ۔ کسی کی راہ نہ مارو چوری چکاری لوٹ مار غارتگری رہزنی سے بچو لوگوں کو ڈرا دھمکا کر خوفزدہ کرکے ان سے مال نہ لوٹو۔ اس اللہ کے عذابوں کا خوف رکھو جس نے تمہیں اور سب اگلوں کو پیدا کیا ہے۔ جو تمہارے اور تمہارے بڑوں کا رب ہے یہی لفظ آیت ( وَلَقَدْ اَضَلَّ مِنْكُمْ جِبِلًّا كَثِيْرًا ۭ اَفَلَمْ تَكُوْنُوْا تَـعْقِلُوْنَ 62؀) 36 ۔ يس :62) میں بھی اسی معنی میں ہے۔