الشعراء آية ۱۸۸

فرمایا میرا رب خوب جانتا ہے جو تمہارے کوتک (کرتوت) ہیں

کہا میرا رب خوب جانتا ہے جو کچھ تم کرتے ہو

کہا کہ میرا رب خوب جاننے والا ہے جو کچھ تم کر رہے ہو (١)

١٨٨۔١ یعنی تم جو کفر و شرک کر رہے ہو، سب اللہ کے علم میں ہے اور وہی اس کی جزا تمہیں دے گا، اگر چاہے گا تو دنیا میں بھی دے دے گا، یہ عذاب اور سزا اس کے اختیار میں ہے۔

شعیب نے کہا کہ جو کام تم کرتے ہو میرا پروردگار اس سے خوب واقف ہے

کہاکہ میرا رب خوب جاننے واﻻ ہے جو کچھ تم کر رہے ہو

آپ نے کہا میرا پروردگار بہتر جانتا ہے جو کچھ تم کرتے ہو۔

انہوں نے کہا کہ ہمارا پروردگار تمہارے اعمال سے خوب باخبر ہے

(شعیب نے) کہا کام جو تم کرتے ہو میرا پروردگار اس سے خوب واقف ہے

﴿قَالَ﴾ شعیب علیہ السلام نے کہا : ﴿ رَبِّي أَعْلَمُ بِمَا تَعْمَلُونَ﴾ ” تم جو کام کرتے ہو، میرا رب اس سے خوف واقف ہے۔“ یعنی میرا رب نزول عذاب اور وقوع معجزات کے بارے میں جانتا ہے۔ میں وہ ہستی نہیں جو اپنی طرف سے تمہیں یہ معجزات دکھاؤں یا تم پر کوئی عذاب نازل کروں مجھ پر اس کے سوا کوئی ذمہ داری نہیں کہ میں تمہیں اللہ تعالیٰ کا پیغام پہنچا دوں اور تمہاری خیر خواہی کروں۔ سو میں نے اللہ تعالیٰ کا پیغام پہنچا دیا۔ معجزات کو میرا رب لے کر آتا ہے جو تمہارے اعمال و احوال سے واقف ہے جو تمہارا حساب لے گا اور تمہیں تمہارے اعمال کی جزا دے گا۔

shoaib ney kaha : mera perwerdigar khoob janta hai kay tum kiya ker-rahey ho .