الصافات آية ۱۲

بلکہ تمہیں اچنبھا آیا اور وہ ہنسی کرتے ہیں

بلکہ آپ نے تو تعجب کیاہے اور وہ ٹھٹھا کرتے ہیں

بلکہ تو تعجب کر رہا ہے اور یہ مسخرا پن کر رہے ہیں (١)۔

١٢۔١ یعنی آپ کو تو منکرین آخرت کے انکار پر تعجب ہو رہا ہے کہ اس کے امکان بلکہ وضاحت کے اتنے واضح دلائل کے باوجود وہ اسے مان کر نہیں دے رہے اور وہ آپ کے دعوائے قیامت کا مذاق اڑا رہے ہیں کہ یہ کیوں کر ممکن ہے؟

ہاں تم تو تعجب کرتے ہو اور یہ تمسخر کرتے ہیں

بلکہ تو تعجب کر رہا ہے اور یہ مسخرا پن کر رہے ہیں

تم تو (ان کے انکار پر) تعجب کرتے ہو مگر وہ اس کا مذاق اڑا رہے ہیں۔

بلکہ تم تعجب کرتے ہو اور یہ مذاق اڑاتے ہیں

ہاں تم تو تعجب کرتے ہو اور یہ تمسخر کرتے ہیں

﴿ بَلْ عَجِبْتَ﴾ اے رسول ! یا اے انسان ! آپ کو ان لوگوں کی تکذیب پر تعجب ہے جو مرنے کے بعد دوبارہ زندہ کئے جانے کو جھٹلاتے ہیں، حالانکہ آپ ان کو بڑی بڑی نشانیاں دکھا چکے ہیں اور ان کے سامنے واضح دلائل پیش کرچکے ہیں۔ حیات بعد الموت ایک حقیقت اور تعجب کا مقام ہے اور یہ ایسی چیز ہے جس کا انکار ممکن نہیں ﴿وَ﴾ ان کے انکار سے زیادہ تعجب والی اور بلیغ بات یہ ہے کہ ﴿یَسْخَرُونَ﴾ ” وہ تمسخر اڑاتے ہیں“ اس شخص کا جو حیات بعد الموت کی خبر لایا ہے۔ انہوں نے صرف حق کے انکار ہی پر اکتفا نہیں کیا بلکہ انہوں نے حق کے ساتھ تمسخر کا اضافہ کیا۔

. ( aey payghumber ! ) haqeeqat to yeh hai kay tum ( inn ki baaton per ) taajjub kertay ho , aur yeh hansi uratay hain ,