الصافات آية ۷۱

اور بیشک ان سے پہلے بہت سے اگلے گمراہ ہوئے

اور البتہ ان سے پہلے بہت سے اگلے لوگ گمراہ ہو چکے ہیں

ان سے پہلے بھی بہت سے اگلے بہک چکے ہیں (١)

٧١۔١ یعنی یہی گمراہ نہیں ہوئے، ان سے پہلے لوگ بھی اکثر گمراہی پانے کے باوجود یہ انہی کے نقشے قدم پر چلنے والے تھے۔

اور ان سے پیشتر بہت سے لوگ بھی گمراہ ہوگئے تھے

ان سے پہلے بھی بہت سے اگلے بہک چکے ہیں

اور بے شک ان سے پہلے بھی اگلوں میں اکثر لوگ گمراہ ہو چکے تھے۔

اور یقینا ان سے پہلے بزرگوں کی ایک بڑی جماعت گمراہ ہوچکی ہے

اور ان سے پیشتر بہت سے پہلے لوگ بھی گمراہ ہوگئے تھے

﴿ وَلَقَدْ ضَلَّ قَبْلَهُمْ ﴾ ” اور ان سے پیشتر بھی گمراہ ہوگئے“ یعنی ان مخاطبین سے پہلے ﴿أَكْثَرُ الْأَوَّلِينَ ﴾ ” بہت سے پہلے“ یعنی ان میں سے بہت کم لوگ تھے جو ایمان لائے اور انہوں نے راہ راست اختیار کی۔

aur inn say pehlay jo log guzar chukay hain , unn mein say aksar log bhi gumrah huye ,

سابقہ آیتیں۔
گذشتہ امتوں میں بھی اکثر لوگ گم کردہ راہ پر تھے اللہ کے ساتھ شریک کرتے تھے۔ ان میں بھی اللہ کے رسول آئے تھے۔ جنہوں نے انہیں ہوشیار کردیا تھا اور ڈرا دھمکا دیا تھا اور بتلا دیا تھا کہ ان کے شرک و کفر اور تکذیب رسول سے بری طرح اللہ تعالیٰ ناراض ہے۔ اور اگر وہ باز نہ آئے تو انہیں عذاب ہوں گے۔ پھر بھی جب انہوں نے نبیوں کی نہ مانی اپنی برائی سے باز نہ آئے تو دیکھ لو کہ ان کا کیا انجام ہوا ؟ تہس نہس کردئیے گئے تباہ برباد کردئیے گئے۔ ہاں نیک کار خلوص والے اللہ کے موحد بندے بچا لیے گئے اور عزت کے ساتھ رکھے گئے۔