الواقعہ آية ۸۶

تو کیوں نہ ہوا اگر تمہیں بدلہ ملنا نہیں

پس اگر تمہارا حساب کتاب ہونے والا نہیں ہے

پس اگر تم کسی کے زیر فرمان نہیں۔

پس اگر تم کسی کے بس میں نہیں ہو

پس اگر تم کسی کے زیرفرمان نہیں

پس اگر تمہیں کوئی جزا و سزا ملنے والی نہیں ہے۔

پس اگر تم کسی کے دباؤ میں نہیں ہو اور بالکل آزاد ہو

پس اگر تم کسی کے بس میں نہیں ہو
فلولا ان کنتم غیر مدینین، مدینین دان یدین سے ہے، اس کے ایک معنی ہیں ماتحت ہونا، دوسرے عنی ہیں بدلہ دینا یعنی اگر تم اس بات میں سچے ہو کہ کوئی تمہارا آقا اور مالک نہیں جس کے تم زیر فرمان اور ماتحت ہو یا کوئی جزا سزا کا دن نہیں آئے گا تو اس قبض کی ہوئی روح کو اپنی جگہ پر واپس لوٹا کر دکھائو اور اگر تم ایسا نہیں کرسکتے تو اس کا صاف مطلب یہ ہے کہ تمہارا گمان باطل ہے، یقینا تمہارا ایک آقا ہے اور یقینا ایک دن آئے گا جس میں وہ آقا ہر ایک کو اس کے عمل کی جزا دے گا۔

﴿فَلَوْلَآ اِنْ کُنْتُمْ غَیْرَ مَدِیْنِیْنَ تَرْجِعُونَهَا ﴾ ’’پس اگر تم کسی کے زیرفرمان نہیں ، توکیوں نہیں اس روح کو پھیر لیتے۔‘‘ یعنی بھلا جب تم اس زعم باطل میں مبتلا ہو کہ تمہیں دوبارہ زندہ کیا جائے گا نہ تمہارا حساب کتاب کرکے تمہیں جزا وسزا دی جائے گی تو تم روح کو بدن میں واپس کیوں نہیں لے آتے﴿ إِن كُنتُمْ صَادِقِينَ ﴾’’اگرتم سچے ہو؟“ حالانکہ تم اقرارکرتے ہو کہ تم اس روح کو بدن میں لانے سے عاجز ہو، تب تمہیں یا تو اس حق کا اقرار کرنا ہوگا جو محمد کریم صلی اللہ علیہ وسلم لے کرآئے ہیں یا تم عناد رکھو گے، پس تمہارا حال اور تمہارا برا انجام معلوم ہے۔

agar tumhara hisab kitab honey wala nahi hai to aisa kiyon nahi hota