(வஹீயின் அதிர்ச்சியால்) போர்வை போர்த்திக் கொண்டிருக்கும் (நபியே!)

நீங்கள் எழுந்து நின்று (மனிதர்களுக்கு) அச்சமூட்டி எச்சரிக்கை செய்யுங்கள்;

உங்கள் இறைவனைப் பெருமைப்படுத்துங்கள்;

உங்களது ஆடையைப் பரிசுத்தமாக்கி வைத்துக் கொள்ளுங்கள்;

அசுத்தங்களை வெறுத்து விடுங்கள்.

எவருக்கும் நீங்கள் நன்றி செய்து, (அதனைவிட) அதிகமாக (அவனிடம்) பெற்றுக் கொள்ளக் கருதாதீர்கள்.

உங்கள் இறைவனின் கட்டளையை நிறைவேற்றுவதற்காக(க் கஷ்டங்களை) நீங்கள் பொறுத்திருங்கள்.

எக்காளம் ஊதப்படும் பட்சத்தில்,

அந்நாள் மிக்க கஷ்டமான நாளாகும்.

(அந்நாள்) நிராகரிப்பவர்களுக்கு எளிதன்று.