விழுந்து மறையும் நட்சத்திரத்தின் மீது சத்தியமாக!

(நம்முடைய தூதராகிய) உங்களுடைய தோழர் வழி தவறி விடவுமில்லை; தவறான வழியில் செல்லவுமில்லை.

அவர் தன் இஷ்டப்படி எதனையும் கூறுவதில்லை.

இது அவருக்கு வஹீ மூலம் அறிவிக்கப்பட்டதேயன்றி (வேறு) இல்லை.

(ஜிப்ரீல் என்னும்) வலுவான ஆற்றலுடையவர் இதனை அவருக்குக் கற்றுக் கொடுக்கின்றார்.

அவர் மிக்க ஆத்ம சக்தியுடையவர். (தன் இயற்கை ரூபத்தில் அவர் உங்களது முன்) தோன்றினார்.

அவர் உயர்ந்த (வானத்தின்) கடைக்கோடியிலிருந்து,

இறங்கினார். பின்னர் நெருங்கினார்.

(சேர்ந்த) இரு வில்களைப் போல், அல்லது அதைவிட சமீபமாக அவர் நெருங்கினார்.

(அல்லாஹ்) அவருக்கு (வஹீ மூலம்) அறிவித்ததை யெல்லாம் அவர் அவனுடைய (நபியாகிய) அடியாருக்கு அறிவித்தார்.