(நபியே!) மிக மேலான உங்களது இறைவனின் திருப்பெயரை நீங்கள் புகழ்ந்து துதி செய்வீராக;

அவனே (எல்லா படைப்புகளையும்) படைத்து, அவைகளை ஒழுங்குபடுத்தியவன்.

அவனே (அவைகளுக்கு வேண்டிய சகலவற்றையும்) நிர்ணயம் செய்து, (அவைகளை அடையக்கூடிய) வழிகளையும் அவைகளுக்கு அறிவித்தான்.

அவனே (கால்நடைகளுக்கு) மேய்ச்சல் பொருள்களையும் வெளிப்படுத்துகின்றான்.

பின்னர் அவைகளை உலர்ந்த சருகுகளாக்குகின்றான்.

(நபியே! இந்தக் குர்ஆனை) நாம் உங்களுக்கு ஓதக் கற்பிப்போம். அல்லாஹ் நாடினாலன்றி, (அதில் யாதொன்றையும்) நீங்கள் மறக்கமாட்டீர்கள்.

நிச்சயமாக அவன் மறைந்திருப்பவைகளையும் வெளிப்படை யானதையும் நன்கறிகின்றான்.

நம்முடைய பாதையை நாம் உங்களுக்கு எளிதாக்கித் தருவோம்.

ஆகவே, நல்லுபதேசம் (மக்களுக்குப்) பயனளிக்கும் வரையில் நீங்கள் உபதேசித்துக் கொண்டே வாருங்கள்.

நிச்சயமாக எவர் (அல்லாஹ்வுக்குப்) பயப்படுகின்றாரோ அவன், (இதனைக் கொண்டு) நல்லறிவை அடைவான்.