یقیناً وہ ہمارے مومن بندوں میں سے تھا

اور ہم نے اسے اسحاقؑ کی بشارت دی، ایک نبی صالحین میں سے

اور اسے اور اسحاقؑ کو برکت دی اب ان دونوں کی ذریّت میں سے کوئی محسن ہے اور کوئی اپنے نفس پر صریح ظلم کرنے والا ہے

اور ہم نے موسیٰؑ و ہارونؑ پر احسان کیا

اُن کو اور ان کی قوم کو کرب عظیم سے نجات دی

اُنہیں نصرت بخشی جس کی وجہ سے وہی غالب رہے

ان کو نہایت واضح کتاب عطا کی

انہیں راہ راست دکھائی

اور بعد کی نسلوں میں ان کا ذکر خیر باقی رکھا

سلام ہے موسیٰؑ اور ہارونؑ پر