வானம் (பிளந்து) அகற்றப்பட்டுவிடும்.

நரகம் எரிக்கப்படும்.

சுவனபதி (அலங்கரிக்கப்பட்டு) சமீபமாகக் கொண்டு வரப்படும்.

(அந்நாளில்) ஒவ்வோர் ஆத்மாவும் (நன்மையோ தீமையோ) தான் செய்துகொண்டு வந்திருப்பதை நன்கறிந்துகொள்ளும்.

(மனிதர்களே!) சென்றவழியே மென்மேலும் செல்லும் நட்சத்திரங்களின் மீது சத்தியமாக!

தோன்றி மறையும் (வால்) நட்சத்திரங்களின் மீது சத்தியமாக!

செல்கின்ற இரவின் மீதும் சத்தியமாக!

உதயமாகும் காலையின் மீதும் சத்தியமாக!

நிச்சயமாக (திருக்குர்ஆன் என்னும்) இது மிக்க கண்ணியமுள்ள (ஜிப்ரீல் என்னும்) ஒரு தூதர் மூலம் கூறப்பட்டதாகும்.

அவர் மிக்க பலவான். அவருக்கு அர்ஷுடையவனிடத்தில் பெரும் பதவியுண்டு.