مگر اُس نے نہ سچ مانا، اور نہ نماز پڑھی

بلکہ جھٹلایا اور پلٹ گیا

پھر اکڑتا ہوا اپنے گھر والوں کی طرف چل دیا

یہ روش تیرے ہی لیے سزاوار ہے اور تجھی کو زیب دیتی ہے

ہاں یہ روش تیرے ہی لیے سزاوار ہے اور تجھی کو زیب دیتی ہے

کیا انسان نے یہ سمجھ رکھا ہے کہ وہ یونہی مہمل چھوڑ دیا جائے گا؟

کیا وہ ایک حقیر پانی کا نطفہ نہ تھا جو (رحم مادر میں) ٹپکایا جاتا ہے؟

پھر وہ ایک لوتھڑا بنا، پھر اللہ نے اس کا جسم بنایا اور اس کے اعضا درست کیے

پھر اس سے مرد اور عورت کی دو قسمیں بنائیں

کیا وہ اِس پر قادر نہیں ہے کہ مرنے والوں کو پھر زندہ کر دے؟