وَاِذَا السَّمَاۤءُ كُشِطَتْۖ
اور جب سماوی طبقات کو پھاڑ کر اپنی جگہوں سے ہٹا دیا جائے گا،
وَاِذَا الْجَحِيْمُ سُعِّرَتْۖ
اور جب دوزخ (کی آگ) بھڑکائی جائے گی،
وَاِذَا الْجَـنَّةُ اُزْلِفَتْۖ
اور جب جنت قریب کر دی جائے گی،
عَلِمَتْ نَفْسٌ مَّاۤ اَحْضَرَتْۗ
ہر شخص جان لے گا جو کچھ اس نے حاضر کیا ہے،
فَلَاۤ اُقْسِمُ بِالْخُنَّسِۙ
تو میں قَسم کھاتا ہوں ان (آسمانی کرّوں) کی جو (ظاہر ہونے کے بعد) پیچھے ہٹ جاتے ہیں،
الْجَوَارِ الْكُنَّسِۙ
جو بلا روک ٹوک چلتے رہتے ہیں (پھر ظاہر ہو کر) چھپ جاتے ہیں،
وَالَّيْلِ اِذَا عَسْعَسَۙ
اور رات کی قَسم جب اس کی تاریکی جانے لگے،
وَالصُّبْحِ اِذَا تَنَفَّسَۙ
اور صبح کی قَسم جب اس کی روشنی آنے لگے،
اِنَّهٗ لَقَوْلُ رَسُوْلٍ كَرِيْمٍۙ
بیشک یہ (قرآن) بڑی عزت و بزرگی والے رسول کا (پڑھا ہوا) کلام ہے،
ذِىْ قُوَّةٍ عِنْدَ ذِى الْعَرْشِ مَكِيْنٍۙ
جو (دعوتِ حق، تبلیغِ رسالت اور روحانی استعداد میں) قوت و ہمت والے ہیں (اور) مالکِ عرش کے حضور بڑی قدر و منزلت (اور جاہ و عظمت) والے ہیں،