خوب سن رکھو، دراصل یہ لوگ اپنی من گھڑت سے یہ بات کہتے ہیں

کہ اللہ اولاد رکھتا ہے، اور فی الواقع یہ جھوٹے ہیں

کیا اللہ نے بیٹوں کے بجائے بیٹیاں اپنے لیے پسند کر لیں؟

تمہیں کیا ہو گیا ہے، کیسے حکم لگا رہے ہو

کیا تمہیں ہوش نہیں آتا

یا پھر تمہارے پاس اپنی ان باتوں کے لیے کوئی صاف سند ہے

تو لاؤ اپنی وہ کتاب اگر تم سچے ہو

اِنہوں نے اللہ اور ملائکہ کے درمیان نسب کا رشتہ بنا رکھا ہے، حالانکہ ملائکہ خوب جانتے ہیں کہ یہ لوگ مجرم کی حیثیت سے پیش ہونے والے ہیں

(اور وہ کہتے ہیں کہ) "اللہ اُن صفات سے پاک ہے

جو اُس کے خالص بندوں کے سوا دوسرے لوگ اس کی طرف منسوب کرتے ہیں