وَمَا يَنْۢبَغِىْ لَهُمْ وَمَا يَسْتَطِيْعُوْنَۗ
نہ (یہ) ان کے لئے سزاوار ہے اور نہ وہ (اس کی) طاقت رکھتے ہیں،
اِنَّهُمْ عَنِ السَّمْعِ لَمَعْزُوْلُوْنَۗ
بیشک وہ (اس کلام کے) سننے سے روک دیئے گئے ہیں،
فَلَا تَدْعُ مَعَ اللّٰهِ اِلٰهًا اٰخَرَ فَتَكُوْنَ مِنَ الْمُعَذَّبِيْنَۚ
پس (اے بندے!) تو اللہ کے ساتھ کسی دوسرے معبود کو نہ پوجا کر ورنہ تو عذاب یافتہ لوگوں میں سے ہو جائے گا،
وَاَنْذِرْ عَشِيْرَتَكَ الْاَقْرَبِيْنَۙ
اور (اے حبیبِ مکرّم!) آپ اپنے قریبی رشتہ داروں کو (ہمارے عذاب سے) ڈرائیے،
وَاخْفِضْ جَنَاحَكَ لِمَنِ اتَّبَعَكَ مِنَ الْمُؤْمِنِيْنَۚ
اور آپ اپنا بازوئے (رحمت و شفقت) ان مومنوں کے لئے بچھا دیجئے جنہوں نے آپ کی پیروی اختیار کر لی ہے،
فَاِنْ عَصَوْكَ فَقُلْ اِنِّىْ بَرِىْۤءٌ مِّمَّا تَعْمَلُوْنَۚ
پھر اگر وہ آپ کی نافرمانی کریں تو آپ فرما دیجئے کہ میں ان اعمالِ (بد) سے بیزار ہوں جو تم انجام دے رہے ہو،
وَتَوَكَّلْ عَلَى الْعَزِيْزِ الرَّحِيْمِۙ
اور بڑے غالب مہربان (رب) پر بھروسہ رکھیے،
الَّذِىْ يَرٰٮكَ حِيْنَ تَقُوْمُۙ
جو آپ کو (رات کی تنہائیوں میں بھی) دیکھتا ہے جب آپ (نمازِ تہجد کے لئے) قیام کرتے ہیں،
وَتَقَلُّبَكَ فِى السّٰجِدِيْنَ
اور سجدہ گزاروں میں (بھی) آپ کا پلٹنا دیکھتا (رہتا) ہے،
اِنَّهٗ هُوَ السَّمِيْعُ الْعَلِيْمُ
بیشک وہ خوب سننے والا جاننے والا ہے،